灣仔N+ Burger 用上酸種麵包做Burger🍔

N+ Burger除咗主打Burger外，佢哋喺澳洲擁有自家牧場直送 Hunter Beef 安格斯牛；另外，用上鬆軟酸種麵包、自家製新鮮醬汁同每日新鮮運到嘅食材，保證每一個製成漢堡都係用100%全天然優質安格斯牛肉製造👍🏻 . 🥓 經典培根漢堡 $85 : 4安士安格斯牛肉芝士漢堡配上蕃茄片、酸青瓜、綠毛菜及洋蔥圈，牛肉漢堡多汁嫩滑，芝士溶化好鬼正，每個酸種麵包都預先塗上牛油，再輕輕烤過，令麵包外脆又鬆軟，再配上三重蒜蓉醬，蒜香味濃，garlic lover必定要試呢個醬汁～ . 🍔 日式芥末醬漢堡 $105 : 6安士安格斯牛肉芝士漢堡配上雜菜絲、蕃茄片及日式芥末醬，呢款漢堡較經典漢堡厚，但肉質仍柔嫩多汁，油脂分佈平均，配上日式芥末醬，帶微微wasabi辣，但非常惹味～ . 套餐（薯條及飲品）+$55 🍟 脆薯條 配燒烤醬 🥔 脆薯角 配蜜糖芥末醬 : 薯條同薯角都係即叫即炸，炸至金黃色熱辣辣，兩款都係厚切，外脆內綿，沾上燒烤醬，甜道酸酸甜甜，包保令你食唔停口；而蜜糖芥末醬都係必試口味～ 🍋 有汽檸檬水 🍋 有汽青檸檸檬水 : 夏日當然要飲番杯lemonade/ limeade，酸酸甜甜又清新，仲要有汽添，唔想飲太甜仲可以揀少甜，可解膩又解渴～ #西餐#薯條#漢堡包#美式漢堡#Burger#CAFE#打卡美食#旅行美食#UCreator#UCreatorHK